လူ့ဘ၀ ရခဲ့တဲ့ နှစ်များ
အသူရကယ်ဘ၀ ရခဲ့တဲ့နှစ်များ
ပေတဘ၀ ရခဲ့တဲ့နှစ်များ
ဒေ၀ဘ၀ ရခဲ့တဲ့နှစ်များ
သုခိ အတ္တာနံ ပရိဟရ န္တု ရခဲ့တဲ့နှစ်များ
သမီးတစ်၊ သားတစ် ရခဲ့တဲ့နှစ်များ
ဖြစ်ဖြစ်မြည်အောင် ဖြစ်ခဲ့ ရခဲ့တဲ့နှစ်များ
ဘာမှ မဖြစ်ချင်တော့ဘူး ရခဲ့တဲ့နှစ်များ
ရခဲ့တဲ့ နှစ်များမှာ ပြသနာကောင်
ရခဲ့တဲ့နှစ်များမှာ ကြောက်ချေးအိုး
ရခဲ့တဲ့နှစ်များမှာ ရှပ်ကီဘဲ
ရခဲ့တဲ့နှစ်များမှာ တကိုယ်ကောင်းသမား
ရခဲ့တဲ့နှစ်များမှာ ကလေး၊ အရူး၊ သဘင်သည်
ရခဲ့တဲ့နှစ်များမှာ ဘ၀တွေကူးခဲ့
မိတ္တူတွေကူးခဲ့၊ ရေကူးပြိုင်ပွဲတွေ ၀င်ကူးခဲ့
စာတွေချကူးခဲ့၊ ရောင်စုံဓါတ်ပုံတွေကူးခဲ့
မျက်စိနာနဲ့ တီဘီကူးခဲ့
မြစ်ကြီးငါးသွယ်၊ ပင်လယ်၊ သမုဒ္ဒရာကူးခဲ့
လမ်းမပေါင်း ရာထောင်ကူးခဲ့၊ တံတားအစင်းစင်းကူးခဲ့
ကူးခဲ့သမျှဇာတ်လမ်း အခန်းခန်းမှာ
အိုး မိုင်ဂေါ့တွေနဲ့သာ တွေ့ခဲ့ရ
နောက်ထပ် အိုးမိုင်ဂေါ့တွေနဲ့သာထပ်တွေ့ရ
အစားပြန်မရနိုင်တော့ဘူးလားကွယ်။ ။
(ဖက်ရှင်မဂ္ဂဇင်း၊ ၂၀၀၆)
မောင်ပြည့်မင်း
ပထမဆုံး လာပြီး အိုးမိုင်ဂေါ့ သွားပါသည်။ အဲလေ
ReplyDeleteလာဖတ်သွားပါသည်။