တံခါးတွေမှာ မျက်နှာထားတွေရှိတယ်
တံခါးတွေက
ဘယ်သူ့ကိုဘယ်လိုဆက်ဆံရမယ်ဆိုတာသိတယ်
တံခါးတွေက
လူမျိုးရေးခွဲခြားတယ်
တံခါးတွေက
အဆင့်အတန်းခွဲခြားတယ်
တံခါးတွေက
လိင်အမျိုးအစားခွဲခြားတယ်
တံခါးတွေမှာ
စာတန်းအမျိုးမျိုးကပ်ထားတယ်
ဥပမာ- ပွဲစားမ၀င်ရ
တာဝန်ရှိသူများသာ
ဥရောပသားများကလပ်
စသည်ဖြင့်ပေါ့လေ…
တံခါးတွေက
ဟန်ကောင်းရင်ပိုက်ဆံမတောင်းဘူး
ဘယ်သွားမှာလည်းလို့
ဆေးရုံတံခါးက ခပ်မာမာမေးတယ်
တွေ့ခွင့်မရဘူးလို့ တံခါးတစ်ခုက
လေသံမာမာနဲ့ပြောတယ်
ဂုဏ်သရေရှိလူကြီးမင်းများအတွက်သာလို့
တံခါးတစ်ချပ်ကမာန်တက်နေတယ်…
တချို့တံခါးတွေက
အလှုခံခြင်းသီးခံပါတဲ့
တချို့တံခါးတွေက
မားကက်တင်းများမလာရတဲ့
တံခါးတစ်ချပ်ကတော့
တံခါးမခေါက်ရတဲ့..
မျက်နှာထားကရှစ်ခေါက်ချိုးနဲ့….
မိုးလှိုင်ည
ဗုဒ္ဓေါ... တံခါးတွေကလည်း စိတ်ကြီး သားပါလားးးး)
ReplyDeleteတံခါးတစ်ချပ်ကတော့
တံခါးမခေါက်ရတဲ့..
မျက်နှာထားကရှစ်ခေါက်ချိုးနဲ့….
ဖတ်သွားသည်။
ခေါက်နေတော့ဘူးကွာ
ReplyDeleteတခါတည်း တွန်းဖွင့် လိုက်မယ်
ရှုပ်တယ်..း)