ကိုချောရေ
တချို့လူတွေက ခင်ဗျားဆိုကြောက်တယ်
ခင်ဗျားကို ကြောက်တဲ့လူတွေကို
ခင်ဗျားကိုယ်ရောင် ဖျောက်ခဲ့ပေါ့ ။
ကိုချောရေ
တချို့လူတွေက ခင်ဗျားကိုချစ်တယ်
ခင်ဗျားကိုချစ်တဲ့ လူတွေကို
ခင်ဗျား ပစ်ထားခဲ့ပေါ့ ။
ကိုချောရေ
ခင်ဗျားနှလုံးသားနဲ့ထွေးထားတဲ့
ခင်ဗျားရဲ့ အထွေးဆုံးသမီး လေးလေ
မီးတောက်တွေ ထတောက်တဲ့အထိ
အိမ်ပြန်မရောက်သေးဘူး ။
ကိုချောရေ
ခေါင်းလောင်းသံတွေ ထထိုးလိုက်တဲ့အထိ
ကျွန်တော်လည်း တရေးမှမအိပ်ရသေးဘူး ။
တတ်နိုင်ရင်
ခင်ဗျားအော်ဟစ်ခဲ့တဲ့ ကမ္ဘာကြီးကို
ကျွန်တော့်လက်သီးနဲ့ အမှုန့်ကြိတ်ပစ်ချင်တယ် ။
ခင်ဗျားကို
အရှင်လတ်လတ် ဓားနဲ့မွှန်းထားတဲ့
ဒုက္ခတရားကို
ဖိနပ်တိုက်တဲ့ ဝက်မှင်ဘီးလေး လုပ်ပစ်မယ် ။
ပြီးရင်
ခင်ဗျားနဲ့ ကျွန်တော်
နှင်းဆောင်းတောင်ပေါ်က
ကျားသစ်သေတကောင်ကို သွားကြည့်မယ် ။
ပြီးရင်
ပဉ္စမမြစ်ကျဉ်းကို
သောကကင်းကင်း ထိုင်သောက်မယ် ။
ပြီးရင်
မြို့ကြီးတွေ ပေါင်ပေါ်တင်ရင်း
အဝေးပြေးလမ်းမတွေ ဖင်ခုထိုင်မယ် ။
ပြီးရင်
စကော့တလန်က စမ်းချောင်းတွေမှာ
ကျွန်တော်တို့အိမ်ပြောင်းဆောက်မယ် ။
နောက်ဆုံးတော့ ခင်ဗျားဟာ
နတ်တွေကို နိုင်ဖဲကိုင်ပြီး
သေခြင်းတရားနဲ့ ဆော့ကစားခဲ့သူပဲ ။
မရတဲ့အထဲကမှ
ရသမျှ အရသာတွေအကုန်ယူ
ဥထားသမျှ
အနုပညာတွေ အကုန်လှူခဲ့သူပဲ ။
ကျွန်တော်တို့မျှစားခဲ့တဲ့ ထမင်းတွေမကုန်သေးခင်
ကျွန်တောတို့မျှသောက်ခဲ့တဲ့ ပုလင်းတွေမကုန်သေးခင်
ကျွန်တော်တို့မျှအိပ်ခဲ့တဲ့ ညတွေမကုန်သေးခင်
ကျွန်တော်တို့မျှရိတ်ခဲ့တဲ့ ဘဝတွေမကုန်သေးခင်
ကျွန်တော်တို့မျှခူးခဲ့တဲ့ အသီးတွေမကုန်သေးခင်
ကျွန်တော်တို့မျှနမ်းခဲ့တဲ့ ပန်းတွေမကုန်သေးခင်
အသက်ရော ယဉ်ကျေးမှုပါ
စက်တင်ဘာပထမပါတ်ရထားဟာ
သူ့ရထားပေါ် အကုန်လုံးတင်ဆောင်ပြီး
သုခဘုံရဲ့ မုခ်ဦးဆီ
ခင်ဗျားနဲ့အတူ ထွက်ခွာသွားချေပေါ့ ။ ။
မိုးယ်ဇော်
၎.စက်တင်ဘာ.၂၀၀၂ခုနှစ်
(၃.၉.၀၂) တွင်ကွယ်လွန်သွားသော
ချစ်တဲ့အကို ကိုချော
(ကဗျာဆရာမောင်ချောနွယ်) သို့ ။
No comments:
Post a Comment
ကဖေးဆိုင်ထဲက တစ္ဆေတွေပါပဲ ...
ညလုံးပေါက် သောင်းကျန်းနေတတ်တယ်
သူတို့အသံတွေက ချောက်ချောက်ချားချား
ဘယ်လိုမကျွတ်လွတ်မှုမျိုးနဲ့
သူတို့ခြောက်လှန့်နေဖြစ်ကြလည်း..။
ကဗျာရေးတဲ့ တူရာလူမိုက်တွေ စုပေါင်းနေထိုင်တယ်...။